لن تدخلنا الجنة فخامة التابوت
....
خـلقوا الـبشر أنـواع وتـلاويـن
وكل شخص إختار بالدني دّقو
صديقـي قبل مـا الأوان يحين
وبنعش النهاية مسمارك يدِقوا
خـلي ضـميرك صـادق التلحين
وغصون المحبة لا تترك يطقوا
نحنـا خـلـقنا بـالديـن مختلفين
والـكل طـريقـن ب الـدني نّقوا
نـاس إلتـهوا ب الـحيـاة سنيـن
وناس ب الـدِيـن دربهـن شّـقوا
أخـي إنـت ب الأرض وإلـديـن
نـعش النهايـة شو ما بـلغ حّـقو
لو كـان بألـف أو كان بمـلاييـن
او كـومة حجارة او بـقايا طين
كـل شخص بـينال بـالسما حقو
...
زهير زين الدين
31/1/2026
ليست هناك تعليقات:
إرسال تعليق