وبنصبح على الجُدران .. و ع الأسفلت بنسَلِّم
وكل رَصيف مِشينا عليه .. يادنيا قوليلنا فين اخرك !؟
بقالنا سنين بنسأل ... إيه !؟
هنفضل نتعجن دوبنا .. وهل ده سؤال في حصة جبر
تعالى و اعد ّ من ألفين .. يا من عندك دوا ليا
مَهُوَّاش الصداع شَكواي .. ولا فينا الجروح ١٠٠
ولا بنخذ َل ولا بنضعـَف .. ومنقرَّبش معصيـّه
فدوسنا بكل قوتنا .. يا تِــبْن .. غرِقنا في المَيَّا
شكراً يا بحر جليم .. موجتك في ديسمبر قويه
شتاكي صيف يا اسكندريه
تيار رياح موجك عصيف .. علـّمِت فينا المعافره
موجه بتنَشـِّف ف ضلعي .. وموجه تانيه عنيده كافره
بَردَها زايد شويا
حِكمه يوم قالهالي ابويا
العتاب للندل خيبه
والأصيل .. بيموت عطش
لو أمانته بير فيه مَيّا
مش_من_شويا
