( وصية أب ) للشاعر / أحمد وهبي
،،، ،،، ،،،
بيني وبينك وصية عمر ياابن عمري
سايبها لك أمانه لاجل انحنى ظهري
شغلك وبيتك داوم بالعين تراعيهم
وطالب أمانته مِنّك ياتطير له ياتجري
،،،
ولاتإذي يوم جارك وتقول دا كان وسواس
النار عذاب ربنا ليه تكوي بيها الناس
الجار من يجيرك ويسمع صرختك
فلا يوم تشيل منّهُ وتقول دا جار وخلاص
،،،
وأكتر الناس طيبين فيهم قليل خاين
ومهما يداري الورد الشوك أكيد باين
واللي يماشي الخاين لازم يكون زيّهُ
ولاعمر الناس تحبهُ لو حتى في جناين
،،،
لو ساكن في بيت عالي وكان لك فيه نصيب
ما تاخدك العِزة لاحسن زماننا عجيب
يجيلك أخوك بيتك يزورك ياحبيبهُ
يسأل عليك بيتك وترُدُه زي غريب
،،،
ولا تلعن في يوم والديك مهما يكون ألمك
لتبقا فرصة فاسد يغريك لسوء عملك
وتطغي ليه على الناس والدنيا والأيام
وتقسى ليه على القلب هو الكريم ظلمك
،،،
وإن قابلك النسيان فكر همومك إيه
وحاذر من اللي تاخدُه وإن كان حرام إرميه
وسرك جوا نفسك ميعرفوش غيرك
لو عِرفوا يوم غيرك يمكن يعايرك بيه
،،، ،،، ،،،
ليست هناك تعليقات:
إرسال تعليق