عيش الوحدك مـن غير دوخة راس
واگـــــــــطعها العلاقة العيب تتامن
هــــــــوايه الموتوا ينعاهم التاريخ
راحـــــــــوا والعيون خلافهم يعمن
بيهم حـــــجر عثرة تكيف بممشاه
وسبع حصوات كون بظهرة ينشمرن
مارايد فزعته ولاحــــــــوال. بخير
وليالي السود مـــــــــــرني و لا ذرن
انفظهن نفظ واتلاوه ويــــــا العوز
جبت اسنين عمري مسرفن تسرفن
انه شايل خلك بدوي بصفنةلصحراء
يضحك والمصايب كـــــــلهن التمن
مـــــــــاعايش لفو ولا دبچت علدار
صگر حـر وعلى الحيطان ما احطن
انا بگلبي حـــــــــقد ماشيل للخوان
الاگيهم هـــــــــلا وسنون اليضحكن
ولاچنهم هذوله الامس شعلوانار 🔥
وچويات بظهرمـــــــــــگفاي يلچمن
اغض طرفي واحاول انسه كل الراح
بس كــــــــون الضعون الطشن يردن
علمني الوكت وادري الحياة ادروس
تــــــــرى طيور اليصعدن لابد ينزلن
وامد احبال وصلك و اعگد لمگطوع
واعـــــــــــرفها المنايل بالحبل گصن
واطول بال صبري وعل رمح ركواي
رغم كثرة جـــروحي وصعب ينعدن
انا الـــما يصدا گلبة ويحمل الزنجار
مــــو كـــــل المعادن تنحسب معدن.
--------------------------------------------
عـــــــــــــــدنان الــــــــــــــرحيماوي
ليست هناك تعليقات:
إرسال تعليق