كذااااب
للبلياتشو!!
هُنت عليه وهانت أيامي
أما حقيقي صحيح كذااااب
كان بيقوللي فتاة أحلامي
وانا من خيبتي بقول أحباب!!
عِشت معاه الحُب ليالي
كُل ليالي الحُب شباااب
عُمر ف يوم ما خطر على بالي
إن الحُب أخره عذاااب!!
كان يندهلي حبيبتي تعالي
أنسى ساعتها اي عتاااب
واسأل نفسي إيه اللي جرالي
يسبقني ب ورود في جواااب!!
صدفة قابلت صاحبتي ناني
وبصوتهُ بيقولها داااااب
يومها عرفت إن مكاني
صفحة يادوب جوه كتااااب!!
عامل فيها ياناس حبيب
مرة حماقي مرة دياب
مرة يقول الحب نصيب
عدى العمر وشبت وشاب!!
آه من حيرة قلبي آه من حلم حياتي
لسه بيكتب قلمي كلمة شوق بغياب
شايلاه جوه بروحي وازعل لو يوم غاب
لازم أداوي جروحي وارجع أصد الباب!!
شعر
غنائي
للبلياتشو
وليد حسانين
١٣/٦/٢٠٢٣
القاهرة/مصر/
/وليد عوض إبراهيم حسانين/
ليست هناك تعليقات:
إرسال تعليق