الحلم الأخير
هاتي إيديكي بحضن إيدي
رجعي النبض في وريدي
إنتي آخر حلم ليا
إنتي آخر يوم في عيدي
إنتي أحلامي اللي فاتت
إللي راحت بعيد وماتت
مافضلش منها إلا ذكرى
ولحن حزين صوته خافت
صحي أحلامي القديمة
دوقيني إنتصاري
نسيني مر الهزيمة
ردي ليا إعتباري
يا آخر نجمة بمداري
خليك شمس لحياتي
نوري عتمة دياري
خليني أصالح زماني
وأقدم ليه اعتذاري
يا ترى يا حلمي الأخير
حارجع من تاني أعود
احضن الحلم تاني
وفي قلبي أزرع ورود
ونطير مع سرب الحمام
ونعدي كل الحدود
ونبدر شهد الغرام
ونكسر كل القيود
وننسج للحب قصة
للعالم بيها نجود
تعال يا حلمي الأخير
نعزف أحلى الأغاني
تعال يا حلمي الأخير
رجعني للدنيا تاني
يحيى حسين القاهرة
20 مارس 2019
ليست هناك تعليقات:
إرسال تعليق