---(إرسم قلبين على شجرة توت)---
-------
إرســم يالـلـي بــتـــرســم
عــلــى شـــجــرة تـــوت
إرســم قـلبـك؛ لأ لأ قـلـبـين
يابوأجمل صوت يادهب وياقوت
وانـت بـتــرســـم عــلــى
شـجـره؛ زَيِّــن فـ القلبيـن
بالقـلـم الـروچ لَـوِّن لِـتنـيـن
إرسم قـلبين فـينا بالمظبوط
وانت بترسمـهم؛ إوعَى تفوتـك
رسـمــة ســهـم يــفــوت،
متْصَوَّب على جِدْرايـة تـوت،
من قلبي ل قلبك بالمظبوط
إرسم بصوابعك دَقَّـق فيـهم
عـَ الشجرايه وشوف مـعانيهم
تلقى الروح بتنادي عليهم
يابوأجمل عُود إرسم مظبوط
إرسـم قـلـبـك أَتْنَـفَّس بيـه
ويزَوَّدشوقي واعيش لياليه
وأغازل فيه أجمل معانيه
يابو أَحْلا خدود إرسم مظبوط
إرسـم قلبـي وقلبـك كَـوَّن
وبريحة العطر اللـي يلـوَّن
علي ورق الحُب اللي يزيَّن
إرســــم مَـــظْــبُـــوط
(ياي ياي يوي **ياياي ياي يايوي)
(ارسم مظبوط)
---***---***-----
د/محمد ربيع محمد
عامية مصرية
من ديواني الجديد
التشكيل لتسهيل قراءة اللهجة المصرية
ليست هناك تعليقات:
إرسال تعليق