مرينه بيكم حـــــــمد
مـــــاچنه مـــــــرينه
--------------------------
وندري بقــــطار العمر
مـــــــــاتوگف اسنينه
ادم ابونه الاصـــــــــل
واحنه بفــــــرد طينه
چـــــــا ليش بالتفرقة
الشيطان يغــــــــوينه
(مرينه بيكــــــم حــمد
مـــــــــــــا چنه مرينه)
*****************
چا ليش فـرقنا الوكت
مامش بگـــــلبك رحم
وتدري اليگاطع بخوته
تاليها يشبع نــــــــــدم
مــــــا تدري بمواصلي
ربك يزيــــــــــد النعم
فـــــــــــاز ورفع رايته
اللي اخــوانه حاوينه
(مرينه بيكــــــم حــمد
مـــــــــــــا چنه مرينه)
*****************
مـــــــرينه بيكم حمد
مــــره بصفة خــطار
ماشفنه ضحكة گــبل
بس الحزن عالــــدار
وين الأهــــــل ياحمد
بس الصــــــور تذكار
واليمر بيكم حــــــمد
يملي الدمـــــع عينه
(مرينه بيكــــــم حــمد
مـــــــــــــا چنه مرينه)
****************
مـــــــرينه بيكم حمد
وانعــــاد بينه الوجع
ونرغب وصالك حمد
مـو لجل غاية وطمع
ليش الهـــــجر والبعد
صـاير بشخصك طبع
واحنا بوصالك حــمد
نشتــــــــــاگ تدرينه
(مرينه بيكــــــم حــمد
مـــــــــــــا چنه مرينه)
****************
مرينه بيكم حـــــــمد
والشعر گـالب شيب
ماشفنه خــــــوة گبل
لاشفنه ذاك الطــــيب
لــــو تعلم اشگد حمد
ربك بظـــــــهر الغيب
بمواصل اهـل الرحم
ربك مــــــــــــوصينه
(مرينه بيكــــــم حــمد
مـــــــــــــا چنه مرينه)
****************
مرينه بيكــــــم حــمد
والگــــــــــــالها يغني
مريت مو لاجل الطرب
للخـــــــــــــوة متعني
حسيت چني من الغرب
موش من اخوتك چني
چاوين شرع الله حمد
ونصه وكــــتابه ودينه
(مرينه بيكــــــم حــمد
مـــــــــــــا چنه مرينه)
ــــــــــــــــــــــــــــــــــــ
عـــــدنان الـــرحيماوي
ليست هناك تعليقات:
إرسال تعليق