(أثر الكلمة)
كلمة تقولها ترفع قدرك
تعلى شأنك بين الناس
كلمة ليها أثرها الطيب
فعل السحر فى الإحساس
كلمة ربى وصفها فى القرآن
أنها طيبة وليها أساس
كلمة تدل على الأخلاق
وفى الجنة تكون نبراس
الله على الكلمة وتأثيرها
تعمل لك م الصخر مداس
بين الناس تعيش محبوب
ودايما ماشى وارفع الراس
خلى شعارك خلق ودين
يرضى عنك رب الناس
إياك ترضى الكلمة التانية
كلمة خبيثة بكل مقاس
ربنا قال عنها فى قرآنه
شجرة خبيثة مالها أساس
كلمة تفرق بين أخين
كلمة تشعل نار الحماس
نار الكره تحرق ما تخلى
وتزرع بدل الأمل اليأس
بقلمى/محمد شهاب
ليست هناك تعليقات:
إرسال تعليق