/ ااالميزان ااالميزان
-----------------------/
(غوانيات)
(زجل)
من قلبي طلعت زفرة زفرة
واصبرت قلت الصبر دوايا
حطيت حاجتي و انسيت.!
حطيت حاجتي وامشيت.!
هاجرت مرغوم
والهجر اصعيب
من جربو مرة
يحكي و ايقول
اه اه اه
من عيني هبطت..........دمعة
صبت في واد يجري مجراه
يا صاح
ذبلت....لزهار.!
يا صاح
الظلمة بانهار.!
يا ويلي
منها شمتة.!
يا ويلي
منها غفلة.!
يا ويلي إلى اتبدل الحال راح.!
العز المجد فينا يرجع اجراح.!
يا من لاحني لوحة بلا احدود؟
وا مكَواني
نبكي دمعة تابعة دمعة واتسيل.!
وا مكَواني
واش انا اعدو و لا اصديق؟
واللٌا قشة.......جابتني حملة.!
* من زارني اليوم ايزوركم غدا.!
وا العار عليكم
دركوني دركوا
وا العار عليكم
دركوني دركوا
احصلت بين جذور شجرة
* مالي جاه مالي مركز وسط عدياني.!
مالي قوة صنديد
مالي حكمة لقمان
ماني زين.....يفتن
والزين زين يوسف
مانا تاجر ادهب
يملك مال قااارون
يا صاح
ما طلقوا اسراحي ضمان.!
يا صاح
جاتني الضربة
أو جاتني غفلة
كَعدت اوسادي سرت اننين.!
غازلت ليام الماضية.!
زادتني همها لا يبرا..!
يا طالعين لجيال أاايزوروا..
زوروني تمه انراقبو النجوم.!
انجدبو جدبات
ننساو هم الدنيا.!
ايه يا النايحة..!
أيه ايه
أيه يا الماشية.!
* يا رفيق الدنيا مالي افراق معاك.!
ماني ظالم.......قلبو أسود
اعيون الحسادة
ولا شيطان حافظ الربعة
به ثاقوا.!
ماني بياع ايبيع أاسرارنا
بالدرهم يخزن.!
ولا سحار يخدع بسحور
باعوه العشابة.!
وا مالكم؟
لا اتحلفوا على زور أو بهتان.!
وا مالكم؟
يا خاوة بلا خاوة
والحرب تطحن.!
و الليل فيكم انشر اجناحو..!
الشريف والزين فيكم راحوا.!
لهوى اللٌي....جا يلعب بكم
لا اتنطقوا باحروف كاذبة.!
غير قولوا
كانت زينة و اللاٌ خايبة.!
غير قولوا
لقلوب تتقطع راه ذابلة.!
* لوجه يعكس كل ما اخفات لقلوب.!
و الله لا كان سركم في بير.!
اه يا سانية اتدور بلا مياه..!
حرب قاسية تطحن ناسي..!
لا رحمة لا شفقةولا امحنة.!
وا الميزان الميزان....اعبر اذنوبنا.!
اعبر أو وفٌي لعبار.!
وا الميزان الميزان اعبر حسناتنا.!
محال...اتكون هي.!
ارجوعكم لله يا غالطين.!
غدا على دنياكم راحلين.!
من قلبي طلعت زفرة زفرة.!
و العار عليكم دركوني دركة.!
يا صاح
ما طلقوا اسراحي ضمان
يا ويلي منها شمتة.!
يا ويلي منها غفلة..!
(يتبع بالعديد منالكاتب الصب النماذج في هذا الصدد)
العابد عبد الرحيم : 02/03/12/2021
ملهمتي الفقيه بن صالح-- المغرب -- تكتب للجميع
ليست هناك تعليقات:
إرسال تعليق