ضيعو الأمانه
======
لما صوتي كان أمانه
للي يشحت باستكانه
قاللي بكره الدنيا تحلى
راح وعيشنا ف خيانه
من سنين غايب وناسى
مين وهب له دى الحصانه
لو فى مره ف يوم تشوفه
يستخبى فى الرزانه
ينهب الأموال ويسرق
حتى مرضى الأجزاخانه
في النفاق دكتور وعايش
فى القذاره والنتانه
حق ناسك فين ياخاين
يمضغه زى اللبانه
الضمير منزوع ياعيني
فى الخراب محتاج صيانه
=========
بقلمى سامح توكل أبوالسبح
بقلمى سامح توكل أبوالسبح


ليست هناك تعليقات:
إرسال تعليق