فكر ** ثقافة ** أدب
صياد الحروووف 
.
رعشة المدبوح
________
ليه يازماني
باصص وراك
إختصرت المسافة
مابين بكايا وضحكتي
بأراجع
إللي فات من أزمنة
من رشة الملح
ف سبوعي إللي إتنسىَ
ولحد أخر خط
مرسوم على وشي..
خلاص إنتهىَ
فتحت عيني علىَ...
رعشة المدبوح
بسكين الخيانة
لقيتني واقف..
مقسوم مابين.....
إنتَ.. وأنا
بقلمي
الناقد
حمدي البوقي
........ فرحة قلوبنا .........
لا تزعلنى ولا ازعلك
عشان اخرة الزعل فراق
اللى بينى وبينك ملك
رقيق المشاعر والاشواق
جمع قلوبنا من كل وطن
فى بستان جميل وسكن
وقرب لينا اوقات الزمن
وعطر الزهور والإشتياق
لا تزعلنى ولا ازعلك
ولا اسمع إلا نبض هيامك
اللى بينى وبينك ملك
لهلب قلبى برقة كلامك
خلانى دايما أشتاقلك
واسمع حنينك وأندهلك
وما إشتقتش لحد قبلك
ولا قلبى حس إلا بغرامك
لا تزعلنى ولا أزعلك
ولا حسود مره يشوفنا
إللى بينى وبينك ملك
بيخاف علينا من كفوفنا
وفرحه قلوبنا لما نتقابل
واسمع حسك كأنه بلابل
والوروود علينا تتمايل
وتضلل ع نور حرووفنا
....................................
.......د. حسن الشوان 🇪🇬 ...
