//////+++ يامسيد +++//////
وانا صغير يامسيد كيف كنتي
يالقايل والله ماشفتي
ياك كنا زهرات كنا صغار
ايام دازت كالليل ونهار
حسو اليوم ماظهر مابان
كان هنا لهيه في داك لمكان
اتعلمت فيه وقريت لحروف
ووصلت السلكة دبحنا خروف
لفقيه ياك فرح بالسلهام
زردة بفرارج زيد لحمام
وشحال كتبنا بدواية
لقلم مرافقني ومعايا
لوحة والكراك زيد شحال
اصمق لسود وداك الصلصال
ايام راحت في داك زمان
احفظنا سوار القرءان
ياك ياحروفي مانسيتي اللوح
في داك لمسيد للي كان مسموح
//////+++
بقلم صقر الحروف الزجال بوسبولة المحجوب
+++//////
بقلم صقر الحروف الزجال بوسبولة المحجوب
+++//////
ليست هناك تعليقات:
إرسال تعليق