-----------(ًًًًًتعالَـ اتكـلـم )-------------
انا هاتجنـن مـن اللي جرالـك
واللي فـِ لـحظـه غَـيَّرحـالـك
آه لـوتـحكـي وتـقـول مـالـك
اتكـلـم وأكـيـد ها سمـع لـك.
من يومها الحزن مَـسَـكْ روحي
مـ اللي حصل لك وبيحصل لك
واتسـبب لي فـ كـل جـروحـي
نـفسـي أكـون شـمعه تنورلك
ياحبيـبي أنـا بـابـا؛ تعال اتكلم
ياحبيـبي أنـا بـابـا؛ قوم واتكلم
افـتــكـر المـاضـي وايــامـه
لـمـاركـبـنـا سـوا العـربـيــة
والحـضـن الدافـي وحـنـانــه
كــنــا نـغـنــي كـل شـويـة
مشتاق اسمـع كلمـه بصـوتك
وتكـون زي اخـواتـك عـنـدي
وبتـطلـب مـنـي مـصـروفـك
بـس اتكـلـم نفسـي تكلـمنـي
ياحبيـبي أنـا بـابـا؛ تعال اتكلم
ياحبيـبي أنـا بـابـا؛ قوم واتكلم
ياحبيـبي أنـا بـابـا؛ تعال اتكلم
ياحبيـبي أنـا بـابـا؛ قوم واتكلم
------------
د/محمد ربيع محمد
عامية مصرية من ديواني الجديد
ليست هناك تعليقات:
إرسال تعليق