(نصيحتي)
أنه أرد الم حچايتي
وما أريد أزيد اللبس
وأنه أدري هذا الوكت
صعد الگلبه نجس
قانون ربك مدرسة
موت وسعاده وعرس
وحط الصبر موعظة
من أيوب أخذ الدرس
ويوسف قضيته السجن
وعاند قيود الحبس
ما تصحى دنيانا أبد
تنگلب مثل الطقس
والفي أبد ما يضل
ومو دوم تبقى الشمس
أضحك شما مرك الم
لا تخلي أحد يحس
وخلك بشوش الوجه
مو دوم وجهك عبس
ولا تحچي بس ثرثره
ينهاب حچي الهمس
ولا تطلب من ألردي
خلك عزيز النفس
شما طال عمر الظلم
هم ينتهي ويندرس
وتفائل بدنيتك واليوم
أحسن من أمس
------------------------------------------
عـــــــــــــدنان الــــــــــــــــرحيماوي
ليست هناك تعليقات:
إرسال تعليق