مهداة الى سيد باقر ابو طبيخ
ــــــــــــــــــــــــــــــــــــــــــــــــــــــــــــــــــــــ
روح وهاجــر اموَدَّع يمولاي ,,, روحي امعلكَه بيك
لو هاجرت كَلي وين ألكَاك ,,,, اريد بكَلبي اخليك
لا تبعد يسيّد مُـــــــرّ الفراكَ ,,, إلـــــــــــــه الكون يهديك
تشرشط روحي يا سيّد ابفركَاك ,,, بس ينذكر طاريك
وحكَ الحمزه علكَم صعب أنساك,,, ونتَ مثلي ادريك
عَجَل ترضه أضل ابلايه خوّان ,,, والدنيــــــــــــه مجدره
كل واحد اشوفه بيَّ طمعان ,,, وسجاجيـــــــــــن حَدره
أفرفح بس اريد الملكَه ويّاك ,,, اريد أكَعــــد وحاجيك
أنخه اهل السماوه وهاشم جعاز ,,, وينه اليرد عايل
اريدن للنجــــــــــــــــــــف ويّاي جنّاز ,,, يا وِلـد الأصايل
وينك يالأخـــــــــــــــــو محمد الكواز ,,, مِبعِد عنّي اشبيك
الجنازه ال ما وراها صياح وعياط ,,, ترى وحشه الجنازه
كَبلي كَالهــــــــــــــا محسن الخياط ,,, لخوتي مالي عازه
ماريده يهيــــــــــــــــل تراب أتخاك ,,, ترابي هيله بيديك
عدو بثوب الصديج يجيب طرواك ,,, روحي امعلكَه بيك
أبو منتظر السماوي
ليست هناك تعليقات:
إرسال تعليق