تنتخب مــــــا تنتخب نفس الوجوه الحكمتك هيه التضـــــــــل الرابحة
وخسران گضيت الــعمر بين الونين وحسرتك ومــــــابين لوعه ونايحه
وبالك تعيد التجربة والبـاگ ثروات البلد ترجـــــــــــــــع انوب تصافحه
چم مره غشوك ورحت گـــالوا على
الماينتخب نسوانهم مــــــو صالحه
چم مــــره غشوك بمحابس والسبح
وبس بالچذب ثلثين ربعك فالــــحه
الچنت أحسبه احساب اخـــو وناكل سوى ما غزرت ذيچ الخبيزة المالحة
چــم مره غشوك ورحت لجل الوطن
وانسى القديم وارد اگــــولن طايحة
چاوين قــــانون الحشد وين الحرير وسكته وين الخــــــــطوط الرايحه
عشرين مـن عمرك گضن لاحصليت مـــــــن العنب لاضگت منه ولايحه
ليش احنه مـــن دون الدول غربيل غربلنه الوكت وادمنه بالدم سابحه
وليش احنه مـــــــا مرنا الفرح بس بالحزن ننصب چــــــــــوادر فاتحه
وليش احنه مـــــــــــن دون الخلگ
ثكله ويتامى وبس ارامـل صـايحة
ياربي مليت القهر وچــــــــفوفي ارفعهن الك وعيوني يبقن شابحــه
-------------------------------------------
عــــــــــــــدنان الـــــــــــــــرحيماوي
ليست هناك تعليقات:
إرسال تعليق