** كِبرت **
***********
كِبرت خَلاص وِعَجز
قَلمك ... العيل
وِمَالت الدُنيا عَلى أكَتافك
وِمنها الهَم .. بتْكَيل
وِغَربت شَمس ... أيَامك
وِضَهرك مَحْنِي
وِمِمَيل
وِصُوتك اِلمِجَلجل رَاح
بَقا وَاَهن وِقلَيِلْ
......
كِبِرّت خَلاص وِرِجْلِيك
الاتنين إِحْتَاجُوا
عَصا. مْعَاهم
عَشان مَالخطوة تِخَطيها
كَما عَيل
اِيدِيه أُمه مَسكاهُم
وِحُروفك زَال الأثر مِنها
ولاَ فيه وِدَان
ياسَبع سَمعَاهم
ياريت أيام الصِبا بِقْيِت
وِفِضِل
شَبابنا ويَاهم
.....
كِبِرّت ... كِبِرّت وِبَقا في
الجِتة
عِلل .. يَاماَ
وكُل اللي فَاضِل ويَاك
آلاَم
عَايشها في ... دَوَامة
دَا غِير
تفاصيل
الزمن وياك على جبينك
سيبالك
كذا. ... علامة
بتأكد ليا ... وليك
بإن. لكل
المخاليق فيه .. قيامة
......
كِبرت
صَحيح وأنا كَبَرِي
مَهوش
سُبةْ
وِمَهُواش ... عِيب
لَكِن
العِيب
إني في الشباب فَرَطْت
وكُنت
أحسب
الزمان لُه. ... جِيب
أخَبِي
فِيه
مِن العَافية ... لِوَقت
الشِيب
مَا أنا عُمري
مَا قريت الكَف ... ولاَ
حَتى
عَلِمت ... الغِيب
******
بقلمي
م. حمدي توفيق
ليست هناك تعليقات:
إرسال تعليق