قصيدة القهوة
ياما حلا الفنجان مع طلعة الشمس
يجلي عن النفس المشقى كدرها
مثل الهنوف اللي ماطالها اللمس
يجمد على الصيني وناهي حمرها
ياعامل الفنجان بالك من الهجس
لاصار ماانت منشدن عن خسرها
حنا علينا جيب بنها اليا خس
وانت عليك تقلطه عا جمرها
بدلال صفرن والمقاضب لهن طس
يشدن عنود الريم عند منفرها
وصبه لشيخٍ بالمجالس تريس
ياللي ادلاله بالعمر ماهجرها
وعدي عن اللي بوجه ربعه تعبس
ياللي لحقوق النشاما قصرها
وانكص عن اللي اليا نصا الديوان نس
ولو شم ريحة طبختن كن نطرها
ليست هناك تعليقات:
إرسال تعليق