مجلة وجدانيات الأدبية (( الشاعر احمد و هبي ))(( حب في ورق ))

 ( حب في ورق ) للشاعر /أحمد وهبي 

. *. *. *. *. *. *. *. *. *. *. *. *. *. *. * .

حبي مش معــــناه أروح على أي حد أكلمه 

وحبيب يغير فجأه يروح مع حزن قلبه ويكتمه

وجروحه يشهدها الزمان كانت في حاجه للأمان 

ومنه لله اللي خان وجروح من غيره بتإلمه 

لما العذاب جاله وزاد خلاه يعيش ويا البعاد 

وحكم على نفسه بعناد وأن حب غيره هايظلمه 

الحب لو سطر في ورق ونحط نقطه هايفترق 

لازم يضيع او يحترق فياريت قلوب تتعلموا 

أما اللي عاش حبه وحيد واشتاق يقرب للبعيد 

حاول وكان حظه عنيد ومسك في قلبه يعــدمه

هاتولي قلب أرتاح في يوم وماعد في الظهر النجوم

رغم ابتسامته دارت هموم واليأ س جواه بيقــتله

الحب وعذابه قرايب زي القدر مكتوب وصايب 

ودمع القلوب فيه العجايب مين في الوجود يتحمله

حبي مش معـــــــــناه أروح على أي حد أكلمه

وحبيب يغير فجأه يروح مع حزن قلبه ويكتمه

. *. *. *. *. *. *. *. *. *. *. *. *. *. *.*. *. *.