جايه ليه
..............
مابقيش كلام
غير
العتاب
جايه تقوليه
ح تعندي
ما تعندي
ح تبعدي
ما تبعدي
وماتجنيش
تستنجدي
وعنيكي ماليها
الندم
ندمانه ليه
روحي ابعدي
وخدي
البعاد
واتهني بيه
جايه ليه
ماكان قدامك الأيام
سجنتيها
وكان قدامك
الأحلام
وانا فيها
وكنا زمان
على شط الأمل
حبيبين
قسمنا الحب انا وانتي
على نصين
وكنا الحلم للواحد
ماكانش اتنين
صبح قلبي
خلاص بيتك
وانا اللي بخاطري
واديتك
وحبيتك
وخدتي
حبي وأماني
وبدلتيه لحرماني
بقيتني خلاص
واحد
تاني
بقيتني حد
مجني عليه
ومتهم
ان انا الجاني
عاوز اعرف
جنايتي ف إيه
على كلمه قالوها
الناس
وصدقتي
خلاص مبقاش
مكان في الدنيا
يِجَمعْنا
أنا وانتي
ولا ذكرى تقول أنا
وانتي
كنا في إيه؟
وصلنا لإيه؟
ماعدش ف قلبي أي
مكان
ولا قلبي بقا
قلبي
دا كان ماضي
وقفلت عليه
فروحي
زي ما تروحي
وماتجيش تاني
عشمانه
وندمانه
عشان
ماخلاص
أنا اتغيرت بالكامل
ومش راجع
لوهم زمان
وعايش فيه
وعاوزه تردي
وتجيني
زمان ممكن
لكن دلوقت على عيني
خلاص خلصنا
حكايتنه
طريقي سد قدامك
لأحلامك وأوهامك
إلهي يلعن ايامك
ماكان أنا قلبي
ف إديكي
وضيعتيه
............
محمدمحمدالشاعر
شاعر مصري.
ليست هناك تعليقات:
إرسال تعليق