خايف
خايف من الايام
خايف من الايام
ولساك ماشي حزين
ولساك مستخبي في
عش مين
ومين اللي باعك
لمين
ومين اللي باقي
علي عشرتك
ومين اللي لساه
الصاحب الأمين
ياعمي غربل الناس
كلهم
وليه تغربل نصهم
يعني خلاص عرفتهم
ولا لساك بتعدهم
ولساك شايفهم ولا
عنيك لساها مزغلله
وشايف دنياك طشاش
وقلبك عامل طناش
وبتقول اصحابي
بحبهم
ياعمي فوق بقه من
غفلتك
واعرف في يوم
الحقيقه
قبل ما يفوت الأوان
وهات حسابه وعدهم
هتلاقي واحد بجد
في وسطهم
بيحبك بحق وحقيقي
وأرمي اللي باقي
منهم
في بحر غريق
يلمهم
في بحر غريق
يلمهم
*****
بقلم شاعر الغلابه
د/حسن نبيه خضير
جمهوريه مصر العربيه
ليست هناك تعليقات:
إرسال تعليق