قصيده .عرمة جرن.
شعر "سعيد حمدى محمد
★★★★★
اتمطع يا حزن فى ضلوعنا ونقنق
انظر بعين البكا لعضم العرب مدقدق
دمنا المرشوش يبل الرمل يتسقسق
وان شافنا الرضيع شعره يشيب ويطقطق
★★★★★
سنين بنخض فى قرب مقطوعه
وقلنا نرد كرامه منزوعه
ننده فين ينقذ مين
مش ﻻقين منهم طوعه
★★★★★
يوماتى يموت لك اخ وابن
وعروبه نايمه فى قيشه وتبن
كله مغمى ولا بيشوف
غير الخوف وزل الجبن
★★★★★
غربان اليهود على المدنه تركب
وكلابهم فى الحرم لعبوا عنكب
وقالوا الساده طبع واركب
ده ابن نوح ساب المركب
★★★★★
سبعين سنه غير الصمت ما بان
عمر الضعيف ما يبنى حيط الامان
لمقام محتل .....والنيل م الغل
راح يحرق زيف السلام
★★★★★
قش وغش ونهايه محتومه
وعرمه جرن هتبات مختومه
مهما كان الريح اعزل وجريح
راح يعصف ويطيح
بعش البومه
★★★★★
شعر "سعيد حمدى محمد
17/4/2024
ليست هناك تعليقات:
إرسال تعليق