تظن من
فارگتني عيوني
والدمع
عليك سچاب
طول غيابك بعد
ومد للكره مو
سبب واحد
... اسباب
متعوده على
الخيبات
والهموم
ويايه اصحاب
مگالب ويه الضيم
اني وياه
عشره ..وصحبه
وارباب
راهم عليه
الفگد ..عزاز
راحوا غفل
بلا وداع.. ولاعتاب
الرجال ..كلمه
من لسانه ينعرف
گدها ؟ لو جان
لعب چعاب ؟
كاعد بالسفينه
وبأول عاصفه
تصير للچوب
چلاب ؟؟
بصفحات بيضه
جيتك ..ردت
بخطك تخط
قصتنه بكتاب
والروحه روحه
لا الراح أجاني
ولا ردلي
الجواب
دظل اجمع حجار
وضيع الالماس
عوف الثريا
ودعفس بالتراب
تعال ..احچي.. ناقش
عاتب
بس لا تختل
بسرداب
فضها ..اذبحها
على قبله
احنه شنو ؟
احباب مو
احباب؟؟
ان جيت اهلا
وسهلا وان
رحت الله وياك
سد
وراك الباب
نضال احمد
باللهجه العراقيه
سجاب: من سكب
مكالب : معاناه
راهم : متلائم
الفكد : الفقدان
غفل : في غفله
كدها: على قدر
لعب جعاب : لعبه خاصه بالاطفال
جوب : اطار مطاطي وسيله انقاذ من الغرق
جلاب : تمسك
دعفس : ابحث
وسلامتكم
ليست هناك تعليقات:
إرسال تعليق