""شجرة سكاكين""
زرعت شجرة حب فى قلوب الناس
طرحت لى سكاكين
اول قطفة جات بالمقاس
فى قلبى و اهينا ساكتين
كتمت الم الجرح جوايا
و برضو مش عاجبين
فضَلت السكوت يا ناس
قولت جرحى يطيب بعدين
ألملم جرحى و اداويه
وهما بيا مش حاسين
قالوا ابعد خلاص
هواك مش عايزين
شوفوا الظلم يا ناس
دبحنى بتانى سكين
و انا اللى قدمت قلبى
ليه هديه زى كل العاشقين
فِضل يتلذذ بجرحى
و يجرح بدل المره عشرين
شافنى صابر على المى
فى هواه و شارين
حتى فى حزنى بحبه
اتاريه بيسن باقى السكاكين
و رمانى بيهم قتلنى
و لا كأنه داق حبى حتى يومين
طرحنى غريق فى حزنى و قلى
لعبة الحب معاك مش لاعبين
حتى لما تفارقنى و تمشى
هتروح من ذكرياتنا فين
مش هقول انا و انا
ولا مفيش منى اتنين
احب افكرك بعرف الحياة
ان كله فيها سلف و دين
لو عايز تفارقنى فارق
و امانه متسألنى هعيش ازاى بعدين
جون جرجس فرح فجر 29/10/2016
ليست هناك تعليقات:
إرسال تعليق