((إنسان جديد))
اخلق من نفسك إنسان جديد
فرغ خلاص زمن العبيد
اسمك ورسمك سلوكك وفكرك
خلي اليقين من حديد
انتاجك وعلمك ذاتك وحلمك
كله راح يفيد
المس حقيقتك وانعش هيبتك
اخلق من الحزن عيد
شكل معالم دنيتك
واعرف طريق جنتك
افرح وعيش.. كن سعيد
ارمي حمولك وانسى همومك
هات معايا الأيد في الأيد
اعتز بنفسك أصلك وفصلك عرقك ودمك
يقربلك البعيد..
امحي ضعفك اقوى بشخصك
خليك إنسان جديد
كُن إنسان في أي مكان
شجاع رغم المحن
اهزم بؤسك اخرج من يأسك وارمي كل الوهن
وقت المحنة كن شديد
مستحيل تتهان من أي جبان
وبقولها على العلن
عيشها رجولة بكل سهولة
وبدون تعقيد
دوس على جرحك اظهر ملامحك
ما تنساش تاريخك ولا حد يستبيحك
راح خلاص زمن العبيد
خلصت حكايته واتحسمت نهايته
والعزيمة نار بقيد نار تصهر الحديد
خليك فاكر مهما تسافر
انك في رحلة والمحطة دار القرار
نهايتك يا ابن آدم كفن مهما كان الزمن
واسأل قبل مني العديد
صون يمينك وافدي دينك عليه حاسدينك
احمي نفسك والوطن
واحلم معايا تموت شهيد
ده الظلم رايح والملك سايح
واللي باقي الفجر الوليد
أحمد الغرباوي
ليست هناك تعليقات:
إرسال تعليق