عصفور
صاحبت زمان عصفور
تاريخ ميلاده ميلادي
وليف وكل يوم بيزور
حته من نبض فؤادي
ياما غنالي بمواله
بس غناه مش شادي
غناه دمعة آه محبوسة
ما امه ماتت و سابت
وراها جنية مدسوسة
بومة و لها وشين
لوشه ظلام الليل
ولوش ابوه قمرين
ما ابوه دفع مهرين
ولاجل عيون البومة
عصفوري داق مرين
مر امه اللي ماتت
وراحت عنه بعيد
ومر عيون البومة
وصوتها كله وعيد
علشان كده عصفوري
كان لقلبه وشوش
قلب بلون السواد
كان بالعذاب مرشوش
وقلب بلون السحاب
وفجر صبح بشوش
ولما يطلع صبحه
القاه بقلبه يجيني
يرمي كل القلوب
ويجي بقلبه شاريني
يحكيلي عن جنانه
لما يغني نشاز
ومرة عن احلامه
وحلمه واه لو فاز
عن امه وحورية
واقفين بعيد في مفاز
وتملي ختام كلامه
دا الحلم صعب وشاذ
يا هل ترى احلامه
قابلها بعد الموت
ما فضلش باقي منه
الا ضجيج لسكوت
وريشه بيضه مزهرة
لسه بياضها في ايدي
كتب لي بيها الحلم
دفنه هنا في وريدي
حلمه يكون عصفور
وجنة وزهر وحور
جنة ما فيها صقور
شايفه هناك بيطير
عمال يلف يدور
يحيى حسين 27 سبتمبر 202
ليست هناك تعليقات:
إرسال تعليق