💔 ياقلبك الجامد 💔
بعتالي دعوة للفرح ونسيتى قلبى اللى إنجرح
بعد ماشهد على حبنا المشي فى كل الشوارع
ومعاه لما كنا بنقعد تحت ضله شجر المزارع
يشهد على حبنا تغريد كل البلابل و الطيور
والقمر فى السما لما كان حولينا يلف ويدور
يشهد على حبنا الناس إنه حب زيى كل العاشقين
إسألى إيدك قد أيه مسكت إيديا والصوابع متشبكين
وعنيكى كانت تيجى فى عنيا و طول الليل سهرانين
خلاص فى لحظه بعتى كل ده ونسيتى كل إللى بنا
ياقلبك الجامد
تشهد عليكى الوساده لما نزلت عليها دموع عنيكى
وآجى تانى يوم أصالحك وأبوسك وأبوس إيديكى
عمرى ماأبيع حبى ليكى لو حتى روحتى لحد تانى
ولا عمرى فى يوم آنساكى أو فى لحظه أكون أنانى
لأنى عارف انى عايش جوة قلبك ومش هاتقدر تنسانى
بعتالى دعوة للفرح ياقلبك الجامد
بقلم / رضا محمد حسب النبى
ليست هناك تعليقات:
إرسال تعليق