مَلكة الروح
يا نبض جاري في وريدي وساكن الأنفاس
يا اللي غرامك في قلبي ملوش حدود وقياس
شفتك لقيت الزمن واقف بيمدح فيك
يا شمس طالعة بنورها فوق جميع الناس
يا أغلى من دنيتي ويا أغلى من روحي
يا اللي بلمسة حنانك بتلمي جروحي
عشقت فيكي الجمال والأصل والعفة
وكفة حبك في قلبي هي اللي مستتفة
رسمت عينك منارة في ليل ملوش آخر
يا اللي لودادك مشاعري كلها صفّة
يا وردة نبتت في عز الشوك وما مالت
يا آية حُسن وعن غرامي بجد ما حالت
شربت من كاس ودادك شهد ملوش تاني
يا اللي بحنانك نسيتي الهم أحزاني
يا قمر منور طريق التايه الحيران
يا اللي باسمك ببل دايماً لساني
شاوري تلاقي الروح ببيانك بتلبي
يا اللي سكنتي في أغلى حتة في قلبي
يا وش السعد يا فاتحة بيبان الجود
حبك في قلبي ملوش في الدنيا أي حدود
أنتي الحقيقة وأنتي الونس في الغربة
يا عهد وافي وعمره ما كان مفقود
سعيد سعيد إمام بيقولها وعينه عليكي
السعادة بجد ملقيتهاش إلا في عينيكي
ختمت قولي بعبير المسك والريحان
يا أغلى غالية وأرق من الحنان بيبان
يا رب اتمم صفا ودنا على خير
واجعل حياتنا جنة ومالية كل مكان
كلمات وتأليف شاعرالبسطاء سعيدسعيدامام
ليست هناك تعليقات:
إرسال تعليق