تحية وسلام
للأب الروحي
اعز الناس
لواء مهندس. اركان حرب
مجدي جوده Magdy Goda
تحية وسلام لجيل العظام
تحية محبة وشوق واحترام
تحية مناضل لجيل الأفاضل
ورغم المخاطر فرضوا السلام!!
تحية لبهية لجندي همام
وصقفة قوية صبية وغلام
كسبنا القضية هزمنا الظلام
ومصر العفية تعود بانسجام!!
تحية لناصر وبعده السادات
وبين الفواصل شريط ذكريات
بفكر مُعاصر ولاد أو بنات
نرجع نواصل ونبني اللي فات!!
تحية وتحايا بكل اللغات
ونفسي ومُنايا تعود الساعات
تحية وتحايا بكل المعاني
ويفضل دعايا أسير السكات!!!!
تحية وتحايا لجيل عاش يعاني
ورغم الحروب كتبوا الأغاني
تحية وتحايا لجيل عاش مثالي
بدفء القلوب حضنوا الليالي!!!!
تحية وتحايا وتعظيم سلام
لجيل الحقيقة وفن الكلام
تحية لنجاة بإحساسها الرهيب
تحية لبليغ ب ألحانه العجايب
تحية لفايزة بصوت عندليب
تحية لجاهين ب أشعاره الحبايب
تحية لثومة. ونجم. وحليم
تحية لبيبو. وصالح سليم!!!!
الشاعر :
وليد حسانين
القاهرة /مصر/
5/6/2024
وليد عوض إبراهيم حسانين
ليست هناك تعليقات:
إرسال تعليق