طماطم وجزر عمو تسمحلي بكلمه
كلمتين مش بس كلمه
هو حب الناس ده نقمه
لا يا بنتي دا أحلى نعمه
بس فيهم غدر يامه
شوفتله مليون علامه
ردي كيدهم ده بطيبتك
راح تكيدهم الابتسامه
صفي قلبك بس ليهم
وإنتي هتزيدي في عنيهم
مهما قالوا وزادو عنك
خلي قلبك مشتريهم
بصي يا طمطم يا بنتي
الحياة صعبه وعنيده
بس فيها بنت زيك
في الطيابه يا ناس فريده
خلى قلبك دايماً أبيض
زي طفله يدوب وليده
واوعي يوم تنسي إبتسامتك
أو في يوم يسود قلبك
حتى لو كانوا إللي منك
شمتانين يتمنوا حزنك
إخزي شماتتهم بأدبك
وإرسمي بس إبتسامك
راح تلاقي الكل حبك
والجميع يتمنى قربك
وإن في يوم زعلك يزيد
كوني صلبه كالحديد
بكره جاي ومعاه أكيد
فرحه تشبه أحلى عيد
أما لو حبيتي تحكي
قولي بس....يا جزر
هتلاقيني تحت امرك
ولأوامرك.........منتظر
هسمعك بهدوء وحكمه
وانسى ليكي أي كلمه
فيها هم وحزن جارحك
وانصحك بأرق كلمه
إنتي طمطم بنتي طبعاً
في الأدب بلاقيكي قمه
بنت ذوق والطبع غالب
قادره تتحدي المصاعب
بس يعني عنيده حبه
ولا يمكن..... حبتين
والأسيه عليكي صعيه
خلت القلب........حزين
لكن البسمه الجميله
تحكي وتقول يا أصيله
إنسي مين باعك وخان
وإللي حُبك ليه ده هان
وإفرحي وإنسي إللى كان
راح تحسي........بالأمان
إوعي قلبك يوم يفكر
إن ظلم الناس هيقدر
يمحي طيبتك دي يا سكر
دا إنتي بدر طلع ونور
قالوا فيكي كلام كتير
طز..ميقولوا براحتهم
كلمة الحاقد...... تطير
وتلاقيها ساكنه بيتهم
بصي يا طمطم يا بنتي
خلي في عيونك نظر
للحبيب لو يوم يلومك
سامحي لو جه يعتذر
وإن ماجاش برضه إغفريله
دا المسامح.....منتصر
وإن عليكي الدنيا داقت
نادي على عمك...جزر
بقلمي أبو مديحه
ليست هناك تعليقات:
إرسال تعليق