هاحب عافية
____________
كلمة جميلة سمعتها
كل حاجة فى وقتها
طيب بحبك دلوقت
و بحبك قبلها
و بحبك بعدها
كل الطعامة فيكي أنا شوفتها
شوفت كل حاجة بحبها
لون العيون
رسم الشفايف
و كأن أنا اللى رسمتها
حتي الشقاوة بحبها
وكل حاجة وعكسها
العند شئ مكروه و بايخ
بس أنا عاشق عندها
الزمن واقف على عمرها
بشوفها طفلة في شكلها
و اشوفها عاقلة
و مدير إدارة في شغلها
لو كل حاجة فى وقتها
ليه بحضنك
رغم المسافات دي كلها
ليه بعشقك قبل أما اشوفك
و عشقتك اكتر بعدها
في الحب مفيش وقتها
هو قدر بيصيب قلوب يحتلها
أنا مش هخطط و لا هدارى
أنا معترف
سهم الهوى حطم حواجزى و هدها
الناس كلامهم مش بيخلص
هنحب غصبن عنها
لو سبتها لوقتها
أنا مش هشوفها
و مش راح اوصل لأي حاجة بحبها
هاحب عافية
و انسي الظروف و رأيها
و هحبها حتى لو مش وقتها
أحمد الأبيض
ليست هناك تعليقات:
إرسال تعليق