((حرمت روحك))
حرام عليك دموع عينيك
حرام عليك دموع عينيك
أكبر دليل على اللي بيك
حتى قلبك آه يا قلبك
عاشق هوايّا وشاهد عليك
ليه تخبي وليه تداري
وتقولي قلبي بايع ما شاري
وعمره في يوم ماكنش ليك
طيب ليه دموعك فوق خدودك
أول ماتيجي عيني في عنيك
لحظة وجودك أعبر حدودك
وأشوف الدنيا بين ايديك
وليه صدودك ديماً ردودك
لما تلاقيني ملهوف عليك
كتير أداري الشوق وأتاري
من كتر ناري بصعب عليك
حاولت اخبي حبك في قلبي
وأصد روحي وأتقل عليك
أخداني روحي فيك ياروحي
وبكل شوق أترجى فيك
قولت أبعد وعلى روحي أعند
وأكدب ظنوني يزيد جنوني
أبص ألاقيني جوّه في عينيك
بتنده عليّا تترجى فيّا
ودمعك يجري فوق خدودك
يقول ويحكي ويفتن عليك
يبوح بسرك يروي ورودك
ويحكي ليّا كل اللى بيك
ظلمت روحي معاك ياروحي
وحرمت روحك حرام عليك
أحمد الغرباوي
ليست هناك تعليقات:
إرسال تعليق