////// شواي لكبال //////
شفت الجوقة في داك لمكان
ارجال ونسا وولاد صغار
ياك هنا وهناك ف العنوان
اشيوخ وبنات هذو وكبار
خادني لفضول ليه باش نعرف
ياك لقيتو فحم وشاعل
هادشي ماغريب مايتلف
شلى داير وشلى فاعل
ملي قربت اسمعت طرق
صدق ماتصدق صابني الخوف
ظنيتو قرطاس يطرطق
وانا بالخلعة ياك معروف
سولت قالوا تجني ف لفجر
والناس عليه ياك مجموعة
وحدي ف صمت وبديت نكبر
وصوات الطرطيق مسموعة
شفتو بام عيني يتحرق
والناس تخثار كبالة وزوج
والشواي بيديه يفرق
والمارة بعيونها تفرج
هذي لكبالة مادايرة
عشاقها بالشوق تتخير
شظيات لفحم راها طايرة
وانا في حالة امحير
//////بقلم صقر الحروف الزجال
بوسبولة المحجوب //////
ليست هناك تعليقات:
إرسال تعليق