ياطير يا طاير
يا طير يا طاير سلملى عليهم ده أنا قلبى دايب من شوقى ليهم
بأعونا يا قلبى وفاتونا من غير حتى ما يودعونا
ده بعدهم يا قلبى مش هاين علينا
بعتنا لهم كتير سلامات كتبناها ياقلبى بدموع وآهات
تفكرهم بأحلى الذكريات
ياريت مرة يفتكرونا ومن الأشواق يرحمونا
أمانة ياقمر لو شوفتهم تقولهم حياتى عذاب فى بعدهم
ليه يا حبايبى جنيتوا عليا إنتوا حبايبى ولسه غاليين عليا
خلاص نسيتونى وبتسألونى أنا مين؟
أنا اللى حبيتكم وضحيت عشانكم
و أديتكم من عمرى سنين
ولسه شاريكم وبفكر فيكم
ولو أعرف أراضيكم كنت أجيلكم وأراضيكم
كلمات/ شاعر السويس إبراهيم نصير
ليست هناك تعليقات:
إرسال تعليق