((مات الكلام))
ارمي ورا ظهرك يا عم علي
عيش حياتك بالطول والعرض
انبسط.. وانسى وفرفش وانجلي
بكرة اللي باعك يندم ومين غيرك له يشتري
كل اللي أمنك صونه لا تبيعه أبداً ولا تخونه
واللي تعرف ديته في التو اقتله
بالحق والأصول أوعاك تفتري
ده اللي رخص ثمنه ويَّا زمنه
لو في إيدك.. منه سيبك
عن حياتك افصله
ما عاد يفيدك مهما حِلي
مات الكلام..
مهما إشتاقتله وسهرت ليله وعشتله
الحُر فوق راسنا عِليِ..
رافعينه فوق في المقام عَالي
يا ميت خسارة على اللي راح عمره في الأوهام بَالي
والخاين قَطَّع صورته قدامه وارمي في وشه دبلته
فوته يغلي بنار حيرته وحسرته
موهوم لو فاكر انه في لحظه حِلي
طول عمره واطي ولا في يوم عِلي
طظ فيه وألف طظ..
فى اللي هرب واللي جري
ده انت اللي فيهم حُر ومقامك عِلي
كلمة حق بقولها ولا يمكن أفتري
أحمد الغرباوي
ليست هناك تعليقات:
إرسال تعليق