النسر
للشاعر عاطف محمد
وتحت سكاكين الألم
رفرف علم
ونط نسره ع السريع
نطة أسد هايسد جوع
كل اللي حاسس بألف جوع
وحلف بشرفه ع الرجوع
لبدايه خالية م الدموع
مسك الخيوط
بايدين قوية ع السموم
وفك تشابيك الغيوم
خد الهموم
على جنب فاضي
وراح مراضي
عقلها
وراح معالج
حظها
وشكلها
وقلبها
مسك المشاكل
حلها
مش بالمسكن.... بل م الجذور
نور ف نور
ضيع حالات الاكتئاب
طرد الملاحدة والكلاب
واللي عايزين الخراب
مسح الهباب
من ع الوشوش
وغسلها ضى بتاع زمان
أبو أصل مزورع ف الأمان
خلى الطريق رايح وجاي
نمشى ف أمان
من غير لا خوف ولا قلق
النجم لينا خلاص برق
والبر والبحر اتعدل
مااحنش فضل
من القماش المرمي فوق
شمس الهجير
بقينا أتواب الحرير
ملمسنا ناعم
بس ف القوة حجر
عاقلين بفكر ....
مااحنش غجر
لينا علوم صارت تنير
رجع الأمل ومعاه كتير
والجو أصبح له أثيل
حتى الهوا صبح عليل
والكل غير همدته
لبس الجديد
واستنى بكره بألف عيد
طوع بايده طريق عنيد
النسر خضر أرضنا
وسع حياتنا وحظنا
خلانا مشيين ف الطريق
اللى أكيد فيه السلامة
بأذن رب الكون هانبقى
أد كل الكون ونعلا
كل يوم .....
من غير ملامة ...
لتحيا مصر بقيادتها وجيشها وشعبها
ليست هناك تعليقات:
إرسال تعليق