" رياح البحر..." بقلم الشاعر حميد النكادي

رياح البحر
...

قْطَع البحر 

ؤُ نَشْفو رجليه

شحال من عذاب 

كان ضَايْر بيه ..

غَمَّضْ عينيه 

ياك ما شْوِيَّه

النوم إِجِيهْ

يرتاح وينسى 

قسوة الموج

لي كان 

يَمْخَضْ فيه..

دَارْ راسو 

على صخرة 

والنجوم تتفرج فيه

ها السْمَا ها القمر

ها الليل ؤُ ها الفجر

طالع قَدَّامي 

من ديك الجِّيهْ..

والضباب بقى 

مُورْ ظهري

نفكر فِلِّي 

غارق فيه..

غَمَّضْتْ عيني

جاني النوم 

رياح البحر

تحملني ليه....

حميد النكادي
10\9\2020
فرنسا