//////+++ شايفك +++//////
شايفك جاي وغادي كتبوح
بالله عليك لا لا لا تروح
ياجار لمساعدة وحبابي
يالمار كل يوم جنب ثرابي
وسبولة جنبك تتمايل
في سر وجودك ياك تتخايل
طول ضفافك امولفانا
نسمتك محلاها مرفقانا
امخبية في عشقها قصيدة
وحروفها نغمة وثغريدة
امسافر بيا وانا معاك
سالبني وموصلني لهواك
يانهر مواجك رقراقة
وطيورك تحوم عشاقة
ياللي ديما عايش ف بالي
تتراقص مياهك ف خيالي
تسقي كل يوم نبثة لحقول
من جودك يانهر ومقبول
وانا للي شايفك بعينية
وانت الغادي وقريب ليا
حامل لك من قلبي سلامي
ومحبة في سحر كلامي
وقت ماحضرت نقصدك فرحان
وحداك م الموحال نكون عطشان
كل لشجار لك ياك مسلمة
والدالية تفسر ف الحلمة
ملي نشوفك كلشي مسموح
يرتاح ف الشوفة هذا البوح
ف طريقك العنبة مدلية
والثينة ف الكرمة معلية
خليك ياام ربيع مهل
طول لفصول محبثنا تقبل
//////+++ صقر الحروف الزجال بوسبولة المحجوب +++//////
ليست هناك تعليقات:
إرسال تعليق